“Əhməd” qrupunun bölmələri hələ də Rusiya-Ukrayna sərhədindədir.

BUTA.TV xəbər verir ki, bu sözləri “Əhməd” xüsusi təyinatlılarının komandiri Apti Alaudinov bildirib.

O, videomüraciət yayaraq, Kadırovun batalyonlarının Ukraynanın sərhədə hücumu başlayandan dərhal sonra mövqelərini tərk etməsi ilə bağlı ittihamları rədd edib.

Alaudinovun sözlərinə görə, sərhəd müdafiəsinin yarılması onların mövqelərindən uzaqda baş verib və yalnız bundan sonra düşmən birbaşa texnika ilə girərək, keçid məntəqələrini darmadağın edib.

O etiraf edib ki, Rusiya artıq bir neçə yaşayış məntəqəsinə nəzarət etmir. Eyni zamanda, o, kritik və ya faciəli heç nə baş vermədiyini vurğulayıb:

“Düşmən mümkün qədər irəliləməyə çalışır, o, Belarus sərhədindən çıxartdığı bütün qüvvə və texnikanı bura toplayır”.

Bundan əvvəl Rusiyanın “VÇK-OQPU” layihəsi məlumat vermişdi ki, sərhədi çağırışçılar və “Əhməd” döyüşçüləri qoruyur. Onların sözlərinə görə, sonuncular ilk zərbələrdən sonra qaçaraq qoşunların Rusiya ərazisinə daxil olmasına şərait yaradıblar. Təkcə bir ərazidə ən azı 15 kadırovçu yaralanıb.

Alaudinov isə bildirib ki, “Əhməd” Rusiya Federasiyasının sərhədinin “400 km-lik hissəsində yerləşə bilməz”.

• Elman Paşayevin evindən külli miqdarda pul götürüldü
• Deputatlarımız gələn ay İrəvana gedəcək?
• “Baku Elektroniks”dən MİSİLSİZ FIRILDAQ: 4 min manata satdığı telefon… FOTO
• Hizbullahın zəifləməsi ilə Suriyada savaş alovlandı
• İrəvan Tiflisdən fərqli yol tutub: Bakı nə deyirsə… - Köçəryan
• Şok: İsrail Suriyaya irəliləyir - Türkiyə ordusu girəcək?
• Qrehemdən inanılmaz: ABŞ Ukraynada sərvət uğrunda vuruşur
• Paşinyan “O olmasın, bu olmasın”ı dinlədi - Video