Ukraynanın Kurska qəfil hücumu rus ordusunu rüsvay etdi.

BUTA.TV xəbər verir ki, bu barədə “Teleqraf” (The Telegraph) nəşrində dərc edilən materialda bildirilib.

Bildirilib ki, 6 avqustda ən azı 300 ukraynalı əsgər Rusiya sərhədini keçərək, Kursk vilayətinə hücum edib:

“Ukrayna qoşunları tez bir zamanda Rusiya ərazisinin 350 kvadrat kilometrini zəbt etdi və onlarla rusu əsir götürdü... 48 saatdan az müddətdə Ukrayna 2023-cü ilin yayında baş vermiş uğursuz əks-hücumdan daha çox ərazini ələ keçirdi”.

Qeyd olunur ki, Ukraynanın Kursk istiqamətində hücumunun üç əsas məqsədi var: Rusiya qüvvələrini Donetsk bölgəsindəki əməliyyatlardan yayındırmaq; Rusiya daxilində nifaq salmaq və gələcək danışıqlar zamanı ərazi mübadiləsinə nail olmaq.

Ekspertlərin fikrincə, ilkin sürətinə baxmayaraq, Ukraynanın Kurskda irəliləməsi çox güman ki, qısamüddətli olacaq:

“Qərbin təzyiqləri, çox güman ki, Kiyevi kursunu dəyişməyə məcbur edəcək. Bununla belə, Ukraynanın Kurska hücuma göstərdi ki, Rusiya “Vaqner” qrupunun 2023-cü ilin iyun üsyanı zamanı Rostovu ildırım sürətilə ələ keçirməsindən heç bir dərs götürməyib. Ukraynanın məhv edilməsi və taktiki nüvə silahlarının tətbiqi ilə bağlı iddia edilən təhdidlərdən başqa, Rusiya Kursk hücumuna ciddi cavab verə bilmədi. F-16-ların da cəbhə xəttinə gəlməsi ilə Putinin narahat olacağı çox şey var”.

Qeyd edək ki, Ukrayna ordusu 6 avqustda Kursk vilayətinə hücum edib və 11 kəndi nəzarətə götürüb. Bu gün isə Suca şəhərini ələ keçirdiyi iddia edilir.

• Elman Paşayevin evindən külli miqdarda pul götürüldü
• Deputatlarımız gələn ay İrəvana gedəcək?
• “Baku Elektroniks”dən MİSİLSİZ FIRILDAQ: 4 min manata satdığı telefon… FOTO
• Hizbullahın zəifləməsi ilə Suriyada savaş alovlandı
• İrəvan Tiflisdən fərqli yol tutub: Bakı nə deyirsə… - Köçəryan
• Şok: İsrail Suriyaya irəliləyir - Türkiyə ordusu girəcək?
• Qrehemdən inanılmaz: ABŞ Ukraynada sərvət uğrunda vuruşur
• Paşinyan “O olmasın, bu olmasın”ı dinlədi - Video