Son vaxtlar ABŞ və Ermənistan arasında hərbi sahədə əməkdaşlıq daha da genişlənib. ABŞ-ın Ermənistan Müdafiə Nazirliyinə öz nümayəndəsini təyin etməsi də bunun tərkib hissəsidir.
Bu sözləri BUTA.TV-a hərbi ekspert Üzeyir Cəfərov ABŞ hərbi yük təyyarələrinin Zvartnots hava limanına gəlməsinə münasibət bildirərkən deyib.
O bildirib ki, artıq ABŞ hərbi texnikasının Ermənistanda görünməsi təəccüb doğurmur:
“Bu, ABŞ və Ermənistan ordularının birgə fəaliyyəti ilə bağlıdır. Fəaliyyət çərçivəsində hərbi təlimlər keçirilir, silah-sursat, texnika gətirilir. Bilirsiniz ki, ötən ay İrəvanda ABŞ-Ermənistan birgə hərbi təlimləri keçirildi. Ona görə də hərbi yük təyyarələrinin Zvartnots hava limanına, yaxud da digər aerodromlara gəlib-getməsi bundan sonra da davam edəcək. Böyük ehtimalla Vaşinqtonla İrəvan arasında Ermənistan ordusuna müəyyən avadanlıqlar, hətta ola bilsin, silah-sursat, hərbi texnika verilməsi ilə bağlı razılıq əldə olunub”.
Nazirlikdə saxtakarlıq: Bakıda "imtahan" verir, Gəncədə çıxış edir...
Ekspert bildirib ki, Ermənistan ABŞ ilə əməkdaşlığını genişləndirərkən niyyətini gizlətmir:
“Elə dünən məlumat yayıldı ki, həm Rusiya ərazisində, həm də Orta Asiyada keçiriləcək Kollektiv Təhlükəsizlik Müqaviləsi Təşkilatının növbəti təlimlərində Ermənistan iştirak etməyəcək. İrəvanın təşkilatın bütün tədbirlərini boykot etməsi o deməkdir ki, Ermənistan öz istiqamətini müəyyənləşdirib - daha çox ABŞ, Fransa və digər Qərb ölkələrinə hərbi sahədə inteqrasiya edir. Məqsəd aydındır. Rusiya sərhədçilərini Zvartnotsdan avqustun 1-dən çıxardılar. Həmin o sərhədçilər İran və Türkiyə sərhədlərində yerləşdirilib xidmət aparsa da, yəqin ki, bu, müvəqqətidir. Bir müddət sonra ümumiyyətlə onların Ermənistan ərazisindən tədricən çıxarıldığı ilə bağlı məlumatlar gəlməyə başlayacaq”.
- MTK vətəndaşların evini sökdü, kompensasiya da vermir - Video
- Xüsusi əməliyyatla Bakıya gətirilən şəxslər həbs edildi
- Bakıda 30 il öncə törədilən qətlin təfərrüatları... - Video
- Tramp marşrutu: Bakı və Vaşinqton texniki danışıqlara başladı
- Sahil Babayev bu federasiyanın prezidenti seçildi
- "Son zəng"lə bağlı tələblər qoyuldu
- ADY sədri DYƏT-in iclasında iştirak etdi
- Balakişi Qasımovun səlahiyyət müddəti bitdi