Saakaşvili dünyanın göz qarşısında ölür - Polşa rəsmisi

01:52 - 18 İyun 2022 - GÜNDƏM

 Saakaşvili dünyanın göz qarşısında ölür - Polşa rəsmisi

Bir nəfər oliqarxın istəyi əsasında sabiq prezident Mixail Saakaşvili bütün dünyanın gözü qarşısında ölür.

Buta.ws xəbər verir ki, bu barədə Gürcüstanda səfərdə olan Polşa Seyiminin vitse-sədri Malqorzat Qoşievska bildirib.

Polşa rəsmisinin sözlərinə görə, həbsdə saxlanılan sabiq prezidenti ziyarət etmək istəsə də ona icazə verilməyib.

O əlavə edib ki, Avropa Parlamnetinin Bidzina İvanişviliyə qarşı sanksiyalar tətbiq edilməsi barədə çağırışlarını sonunadək dəstəkləyir:

"Dünən müxalifət partiyalarının nümayəndələri ilə görüşdüm. Onların hər biri Gürcüstana namizəd statusunun verilməsini tam şəkildə dəstəkləyir. Bəyan etmək istəyirəm ki, bir oliqarxın təvazökarlığı, nifrət dili və Rusiya yönümlü əhval-ruhiyyəsinə görə bütün xalqı cəzalandırmaq olmaz. Buna görə də Avropa Parlamentinin Bidzina İvanişviliyə qarşı sanksiyalar tətbiq edilməsinə çağırış barəsindəki qətnaməsini tam şəkildə dəstəkləyirəm. Beynəlxalq həkimlərdən ibarət qrupun Mixail Saakaşvilinin yanına buraxılmaması, onun müalicə üçün aparılmaması təmamilə barbar bir davranışdır. Polşa beynəlxalq platformlarda bir neçə dəfə Saakaşvilini qəbul etməyə razılığını və hazır olduğunu bildirib. Bir nəfər oliqarxın istəyi əsasında sabiq prezident bütün dünyanın gözü qarşısında ölür".

O deyib ki, hakimiyyət Saakaşvilinin müalicə olunmasına icazə vermir, bunun arxasında isə Rusiya ilə əlaqələri yaxşı bilinən oliqarx Bidzina İvanişvili dayanır.


Ən son xəbərləri səhifəmizdən də izləyin

Buta.ws

Qeydiyyat

Facebook ilə daxil ol

Daxil

Facebook ilə daxil ol