Türkiyənin kosmosa səyahət edən ilk astronavtı Alpər Gezeravcının Azərbaycana səfəri təşkil olunacaq.

BUTA.TV Report-a istinadla xəbər verir ki, bu barədə Ankarada keçirilən Türk dövlətləri kosmik agentliklərinin üçüncü iclasından sonra Azərbaycan Kosmik Agentliyinin (“Azərkosmos”) İdarə Heyətinin sədri Saməddin Əsədov bildirib.

O deyib ki, Azərbaycanla Türkiyə arasında faydalı əməkdaşlıq sahələrindən biri də kosmos sahəsidir və iki qardaş ölkənin bu sahədəki təcrübələri qarşılıqlı olaraq öyrənilir:

“Ötən il Bakıda keçirilən Astronavtika konqresində 2026-cı ildə təşkil ediləcək konfransın məkanı müəyyənləşdirilmişdi. Azərbaycan tərəfinin də dəstəyi ilə Türkiyənin Antalya şəhəri seçildi. Ölkəmiz bu sahədə ciddi təcrübəyə malikdir və türk qardaşlarımıza da tədbirlə bağlı lazım olan köməyi göstərəcəyik”.

Sədr deyib ki, peyk sahəsində Azərbaycan da Türkiyənin təcrübəsindən yararlanmaqdadır:

“Məlumdur ki, bu yaxınlarda Türkiyə öz astronavtını orbitə göndərmişdi. Biz onun əldə etdiyi bilik və təcrübə, həmçinin Türkiyə dövlətinin Beynəlxalq Kosmik Stansiyasında həyata keçirdiyi elmi təcrübələrlə bağlı Azərbaycanın müvafiq ali məktəblərinə məlumatlar verməyi nəzərdə tutmuşuq. Bunun üçün də həmin astronavtın Azərbaycana səfərini təşkil edəcəyik".

• İrandan 55 kq narkotikin keçirilməsinin qarşısı alındı - Foto
• Malların gömrük dəyəri milli valyuta ilə bəyan ediləcək
• NFC ödənişi zamanı hesabdan silinmənin gecikməsi... - Rəsmi
• Prezidentin təltif etdiyi Fərəcov məşhur “91-lər”dəndir
• Gömrüyə gətirilən avtomobillərlə bağlı yeni qayda...
• Bir vəkilə töhmət verildi, digərinə xəbərdarlıq edildi
• Cərimə ilə yanaşı, alternativ cəza da tətbiq oluna bilər
• Temperatur 26 dərəcəyə yüksələcək