Rusiyanın Belqorod vilayətində Ukrayna Silahlı Qüvvələrinə məxsus kamikadze dron yük maşınına hücum edib.

BUTA.TV xəbər verir ki, bu barədə vilayət qubernatoru Vyaçeslav Qladkov məlumat yayıb.

Yük maşını Belqorod rayonunun Oktyabrski kəndi ilə Yasnıye Zori kəndi arasındakı magistralın bir hissəsində hərəkət edərkən hücuma məruz qalıb.

“Partlayış nəticəsində sürücü xəsarət almasa da, avtomobilə ziyan dəyib. Maşın taxıl şirkətinə məxsusdur”, - deyə vilayət qubernatoru bildirib.

Qeyd edək ki, son sutkada Belqoroda iki raket hücumu olub, nəticədə 2 nəfər ölüb, 19 nəfər yaralanıb.

Eyni zamanda, HHM qüvvələrinin zərərsizləşdirdiyi 15 raket qalıqları sənaye müəssisələrinə, fərdi yaşayış evinə və istixanaya düşərək, dağıntılara səbəb olub.

Vilayətdə iki fərdi təsərrüfatda və bir avtomobildə müxtəlif ziyanlar aşkar edilib. Elektrik xətti də zədələnib.

• İrandan 55 kq narkotikin keçirilməsinin qarşısı alındı - Foto
• Malların gömrük dəyəri milli valyuta ilə bəyan ediləcək
• NFC ödənişi zamanı hesabdan silinmənin gecikməsi... - Rəsmi
• Prezidentin təltif etdiyi Fərəcov məşhur “91-lər”dəndir
• Gömrüyə gətirilən avtomobillərlə bağlı yeni qayda...
• Bir vəkilə töhmət verildi, digərinə xəbərdarlıq edildi
• Cərimə ilə yanaşı, alternativ cəza da tətbiq oluna bilər
• Temperatur 26 dərəcəyə yüksələcək